Мамбетов КТ «Мамбетов и К»

«Мамбетов и К» КТ Абердин-Ангус тұқымды ірі қара малын өсірумен айналысады.

«Мамбетов и К» КТ өз табынын 2012 жылы АҚШ-тан әкелінген 200 қашардан бастады.

Қазіргі уақытта мал басы 695 басқа жетті. Бұл шаруашылықтың селекционерлері үшін іріктеудің ең маңызды көрсеткіштері – төлдеудің жеңілдігі, бұзаулардың туған кездегі салмағының төмен болуы және сиырлардың сүттілігі. Сонымен қатар фенотипке де үлкен мән беріледі. Осыған байланысты шаруашылықта дене бітімі үйлесімді, кеуде қуысы терең әрі кең, денесі ұзын, тұқымдық белгілері айқын, бұлшық еттері, әсіресе кеудесі, шоқтығы, арқасы, белі мен жамбасы жақсы дамыған жануарларға басымдық беріледі.

2013 жылы шаруашылық Солтүстік Қазақстан облысында алғашқы аукционын өткізіп, жалпы сомасы 11 миллион теңгеге 18 бұқашықты сатты. Ең қымбат лот – Гарик есімді бұқа болды. Өз өнімділігі бойынша жоғары бағаланған және 13 айлық жасында 475 килограмм салмақ тартқан бұл бұқа 1 миллион 120 мың теңгеге сатылды. Сарапшылар Гарикті дене бітімі жақсы қалыптасқан, қызу қанды, аяқтары мықты және алыс қашықтықтарға айдауға өте қолайлы бұқа ретінде сипаттады. Оның негізгі міндеті «Сыбаға» бағдарламасына қатысатын тұқымсыз табындардың сапасын жақсарту болады.

Шаруашылықта 252 бас жылқысы бар ат қорасы да жұмыс істейді.

Ангус асыл тұқымды мал шаруашылығы өнімдерін өткізу